Azərbaycanda şirkət qeydiyyatı

Yerli və xarici sahibkarlar üçün kompleks biznes müşayiəti

MY EXPERT Azərbaycanda şirkətlərin qeydiyyatı və sonrakı fəaliyyətinin kompleks müşayiətini həyata keçirir.

Biznes strukturunun və vergi modelinin seçilməsindən başlayaraq dövlət qeydiyyatı, hüquqi ünvan, bank müşayiəti, mühasibat və vergi uçotunun təşkili və biznesin sonrakı fəaliyyəti üzrə müştərini əsas mərhələlərdə müşayiət edirik.

Yerli sahibkarlarla yanaşı, Azərbaycanda fəaliyyətə başlamaq və ya biznesini genişləndirmək istəyən xarici vətəndaşlar, investorlar və beynəlxalq şirkətlərlə də işləyirik.

Xarici müştərilər üçün MY EXPERT şirkətin qeydiyyatı, bank compliance, mühasibat və vergi uçotu, korporativ, miqrasiya və digər zəruri biznes proseslərini birləşdirən vahid peşəkar koordinasiya nöqtəsi kimi çıxış edə bilər.

Azərbaycanda MMC

Azərbaycanda biznes fəaliyyəti üçün ən geniş istifadə olunan təşkilati-hüquqi formalardan biri Məhdud Məsuliyyətli Cəmiyyətdir (MMC).

Şirkət bir və ya bir neçə fiziki və ya hüquqi şəxs tərəfindən təsis edilə bilər. Təsisçilər Azərbaycan vətəndaşları ilə yanaşı xarici vətəndaşlar və xarici hüquqi şəxslər də ola bilər.

Qeydiyyatdan əvvəl şirkətin planlaşdırılan fəaliyyəti, təsisçi strukturu, gözlənilən dövriyyə, əməliyyatların xarakteri və əsas bazarların müəyyən edilməsini tövsiyə edirik. Bu amillər vergi modelinə, bank compliance prosesinə və biznesin sonrakı idarə edilməsinə təsir göstərə bilər.

Şirkət qeydiyyatı xidmətinə nələr daxildir?

* ilkin konsultasiya və uyğun biznes strukturunun müəyyən edilməsi;
* dövlət qeydiyyatı üçün sənədlərin hazırlanması;
* MMC-nin qeydiyyatı və vergi ödəyicisinin eyniləşdirmə nömrəsinin alınması;
* korporativ sənədlərin hazırlanması;
* hüquqi ünvanın təmin edilməsi;
* elektron imzanın alınmasına dəstək;
* bank müşayiəti və KYC/AML/compliance prosesinə hazırlıq;
* mühasibat və vergi uçotunun təşkili;
* kadr və əməkhaqqı uçotunun təşkili;
* vergi modelinin seçilməsi üzrə məsləhət;
* fəaliyyət üçün tələb olunan hallarda lisenziya və icazələr üzrə müşayiət;
* sonrakı korporativ və inzibati müşayiət.

Məqsədimiz yalnız hüquqi şəxsi qeydiyyatdan keçirmək deyil, müştərinin Azərbaycanda real və işlək biznes strukturu qurmasına kömək etməkdir.

Qeyri-rezidentlər üçün şirkət qeydiyyatı

Xarici vətəndaşlar və xarici hüquqi şəxslər Azərbaycanda şirkət təsis edə bilərlər.

Layihənin strukturundan və tələb olunan prosedurlardan asılı olaraq prosesin əhəmiyyətli hissəsi təsisçinin Azərbaycanda daimi iştirakı olmadan təşkil edilə bilər.

Şirkətin qeydiyyatı → Hüquqi ünvan → Bank compliance → Mühasibat və vergi uçotu → Korporativ müşayiət → Zəruri hallarda miqrasiya məsələləri

Şirkətin qeydiyyatı, yaşayış icazəsinin və ya iş icazəsinin alınması ayrı-ayrı hüquqi prosedurlardır. Müvafiq icazələrin zəruriliyi və hüquqi əsasları konkret vəziyyət üzrə ayrıca müəyyən edilir.

Şirkətin qeydiyyat müddəti

Tələb olunan sənədlərin tam təqdim edildiyi halda şirkətin dövlət qeydiyyatı adətən bir neçə iş günü ərzində həyata keçirilir.

Korporativ bank hesabının açılması ayrıca prosesdir. Bankın baxış müddəti təsisçi və benefisiar strukturundan, benefisiarların vətəndaşlığından, şirkətin fəaliyyətindən, planlaşdırılan əməliyyatlardan və seçilmiş bankın daxili KYC/AML/compliance prosedurlarından asılıdır.

MY EXPERT zəruri sənədlərin hazırlanması və bankla kommunikasiya prosesində müştərini müşayiət edir.

Azərbaycanda şirkətlər üçün vergilər

Şirkətin vergi modeli fəaliyyət növü, dövriyyə, xərclər, əməliyyatların xarakteri, müştəri və kontragent strukturu və digər amillərdən asılıdır.

Mənfəət vergisi — 20%

Azərbaycanda hüquqi şəxslər üçün mənfəət vergisinin standart dərəcəsi vergitutulan mənfəətin 20%-ni təşkil edir.

Vergi ümumi dövriyyədən deyil, ümumi qaydada vergitutulan gəlirlərlə vergi məqsədləri üçün qəbul edilən xərclər arasındakı fərqdən hesablanır.

* Şirkətin gəliri: 500 000 AZN
* Qəbul edilən xərclər: 350 000 AZN
* Vergitutulan mənfəət: 150 000 AZN
* 20% mənfəət vergisi: 30 000 AZN

Mikro sahibkarlıq: mənfəətin 75%-nin vergidən azad edilməsi

Qanunvericiliklə müəyyən edilmiş meyar və şərtlərə cavab verən mikro sahibkarlıq subyekti olan hüquqi şəxslər üçün sahibkarlıq fəaliyyətindən əldə edilən mənfəətin 75%-nin mənfəət vergisindən azad edilməsi nəzərdə tutulur.

Standart mənfəət vergisi dərəcəsi 20% olduğuna görə, güzəşt tətbiq edilən müvafiq mənfəət üzrə effektiv vergi yükü 5% təşkil edə bilər.

* Vergitutulan mənfəət: 100 000 AZN
* 75% güzəşt olunan hissə: 75 000 AZN
* Vergiyə cəlb olunan mənfəət: 25 000 AZN
* 20% mənfəət vergisi: 5 000 AZN

Bu güzəşt şirkətin sadəcə kiçik olması səbəbindən avtomatik tətbiq edilmir. Güzəştdən istifadə üçün qanunvericiliklə müəyyən edilmiş şərtlərə cavab verilməlidir. Buraya mikro sahibkarlıq subyekti statusu, müvafiq il üzrə orta aylıq muzdlu işçi sayının azı 3 nəfər olması, məcburi dövlət sosial sığorta haqları üzrə borcun olmaması və digər tətbiq olunan vergi tələblərinə əməl edilməsi daxildir.

Bundan əlavə, güzəşt əmtəəsiz əməliyyatlardan əldə olunan gəlirlərə tətbiq edilmir. Güzəştdən istifadə etməzdən əvvəl şirkətin bütün qanuni meyarlara uyğunluğu ayrıca yoxlanılmalıdır.

ƏDV — 18%

Azərbaycanda əlavə dəyər vergisinin standart dərəcəsi 18%-dir.

Ümumi qaydada ƏDV ödəyicisi kimi məcburi qeydiyyat öhdəliyinin yaranmasında əsas hədlərdən biri ardıcıl 12 aylıq dövr ərzində vergi tutulan əməliyyatların həcminin 200 000 AZN-i keçməsidir.

Qanunvericilik müəyyən əməliyyat və hallara dair ayrıca qaydalar nəzərdə tutduğuna görə, ƏDV qeydiyyatının zəruriliyi şirkətin faktiki fəaliyyəti nəzərə alınmaqla qiymətləndirilməlidir.

Sadələşdirilmiş vergi — 2%

Sadələşdirilmiş vergi rejimini tətbiq etmək hüququ olan vergi ödəyiciləri üçün baza dərəcəsi müvafiq hasilatın 2%-ni təşkil edir.

* Dövriyyə: 100 000 AZN
* Sadələşdirilmiş vergi 2%: 2 000 AZN

Mənfəət vergisindən fərqli olaraq, sadələşdirilmiş vergi rejimində ümumi qaydada şirkətin xərcləri verginin hesablanma bazasını azaltmır.

Dövriyyənin 200 000 AZN-dən aşağı olması sadələşdirilmiş vergi rejimindən avtomatik istifadə hüququ yaratmır. Bu hüquq fəaliyyət növündən, əməliyyatların xarakterindən, müştəri strukturundan və vergi qanunvericiliyinin digər tələblərindən asılıdır.

Əsas vergi dərəcələri

Vacib: vergi güzəştlərinin və xüsusi vergi rejimlərinin tətbiqi qanunvericiliklə müəyyən edilmiş şərtlərin yerinə yetirilməsindən asılıdır.

Hansı vergi rejimini seçmək lazımdır?

Bütün şirkətlər üçün uyğun olan vahid vergi modeli yoxdur. Bir şirkət üçün 2% sadələşdirilmiş vergi uyğun ola bilər, digər şirkət üçün standart mənfəət vergisi və ƏDV rejimi daha məqsədəuyğun və ya məcburi ola bilər. Mikro sahibkarlıq üzrə tələb olunan şərtlərə cavab verən şirkət isə müvafiq mənfəətin 75%-nin vergidən azad edilməsi nəticəsində effektiv olaraq təxminən 5% mənfəət vergisi yükündən yararlana bilər.

* gözlənilən illik dövriyyə;
* planlaşdırılan mənfəət;
* xərclərin strukturu;
* işçilərin sayı;
* fəaliyyət növü;
* fiziki və ya hüquqi şəxslərlə işləmə modeli;
* idxal və ixrac əməliyyatları;
* ƏDV qeydiyyatının zəruriliyi;
* beynəlxalq əməliyyatlar;
* təsisçi strukturu;
* planlaşdırılan dividend ödənişləri.

MY EXPERT şirkət qeydiyyatından əvvəl ilkin vergi təhlili apararaq fəaliyyət başlamazdan öncə gözlənilən vergi yükünü və uyğun uçot modelini müəyyən etməyə kömək edə bilər.

Mühasibat və vergi müşayiəti

Şirkətin qeydiyyatı biznesin yaradılmasının yalnız ilk mərhələsidir. Qeydiyyatdan sonra mühasibat, vergi və kadr uçotunun düzgün təşkili tələb olunur.

* mühasibat uçotunun aparılması;
* vergi uçotu və bəyannamələrin hazırlanması;
* ƏDV uçotu;
* əməkhaqqının hesablanması;
* kadr uçotu;
* vergi məsləhətləri;
* idarəetmə hesabatları;
* maliyyə hesabatlarının hazırlanması;
* vergi və digər dövlət orqanları ilə iş;
* vergi risklərinin təhlili;
* vergi yoxlamaları və sorğularının müşayiəti.

Məqsədimiz yalnız bəyannamələri vaxtında təqdim etmək deyil, biznesin potensial vergi və maliyyə risklərini vaxtında müəyyən etməkdir.

Azərbaycanda bank hesabının açılması

MY EXPERT korporativ müştəriləri Azərbaycanda bank hesablarının açılması prosesində müşayiət edir və KYC/AML/compliance prosedurları üçün tələb olunan korporativ sənədlərin və məlumatların hazırlanmasına dəstək göstərir.

* son benefisiar mülkiyyətçilər;
* vəsaitlərin mənbəyi;
* şirkətin fəaliyyəti;
* gözlənilən dövriyyə;
* əsas kontragentlər;
* əməliyyat aparılacaq ölkələr;
* müqavilə və invoyslar;
* bank hesabının açılmasının iqtisadi məqsədi.

Hesabın açılması barədə yekun qərar bank tərəfindən daxili compliance prosedurlarının nəticəsinə əsasən qəbul edilir.

Hüquqi ünvan

Şirkətin dövlət qeydiyyatı üçün Azərbaycanda hüquqi ünvan tələb olunur. Zəruri hallarda MY EXPERT hüquqi ünvan və müvafiq sənəd müşayiəti təqdim edir.

Yaşayış icazəsi və miqrasiya müşayiəti

Xarici sahibkarlar, rəhbərlər və əməkdaşlar üçün miqrasiya məsələləri üzrə də müşayiət təqdim edirik.

* Azərbaycanda yaşayış icazəsinin alınması;
* iş icazəsi;
* miqrasiya qeydiyyatı;
* xarici rəhbər və əməkdaşların sənədlərinin rəsmiləşdirilməsi;
* digər miqrasiya prosedurları.

Şirkətin qeydiyyatı özlüyündə avtomatik yaşayış icazəsi vermir. Müvafiq statusun alınması üçün hüquqi əsas ayrıca müəyyən edilir.

Biznes üçün əlavə xidmətlər

* Mühasibat və vergi uçotu
* Vergi konsaltinqi
* Audit və maliyyə təhlili
* Korporativ müşayiət
* Müqavilələrin hüquqi müşayiəti
* Bank compliance
* Yaşayış icazəsi və miqrasiya xidmətləri
* Biznes və aktivlərin qiymətləndirilməsi
* Beynəlxalq ticarət, gömrük və logistika müşayiəti
* HSE, əməyin mühafizəsi və ISO idarəetmə sistemləri

Niyə MY EXPERT?

MY EXPERT Azərbaycanda biznesə kompleks peşəkar xidmətlər təqdim edir və mühasibat uçotu, vergitutma, audit, maliyyə və biznes konsaltinqi sahələrində mütəxəssisləri bir araya gətirir.

Biz yalnız hüquqi şəxsin qeydiyyatı ilə kifayətlənmirik. Məqsədimiz müştəriyə Azərbaycanda işlək biznes strukturu qurmaqda kömək etməkdir: şirkətin qeydiyyatından və bank proseslərindən başlayaraq mühasibat uçotu, vergi nəzarəti və fəaliyyətin sonrakı müşayiətinədək.

Azərbaycan, rus və ingilis dillərində xidmət göstəririk.

MY EXPERT — Azərbaycanda biznes tərəfdaşınız.

Əlavə məlumat üçün bizimlə əlaqə saxlaya bilərsiniz:

Tel/WhatsApp: +994 50 285 41 41
E-poçt: info@myexpert.az

MY EXPERT - Təcrübə, Etibarlılıq, Nəticələr